सवारी दुर्घटनामा परेर उर्लाबारीमा दुई युवाको मृत्यु ।

Spread the love

१०।फागुन।उर्लाबारी

मोरङको उर्लाबारी नगरपालिका वडा नं–४ भद्रमारी चोकदेखी  पूर्व–पश्चिमकाे बाटाेमा  राति भएको सवारी दुर्घटनामा परेर दुई युवाको मृत्यु भएको छ ।

मोरङको उर्लाबारीमा भएको दुर्घटनामा दुई युवाको मृत्यु

अगाडि रहेको गाडीलाई ओभरटेक गर्न खाेजदा ट्रकमा तीव्र गतिमा रहेको स्कुटर आएर ठोक्किँदा दुर्घटना भएको प्रहरीले जनाएको छ । पूर्वतर्फ जाँदै गरेको प्रदेश १–०१–००१ क १०३५ नम्बरको ट्रकसँग विपरीत दिशाबाट आउँदै गरेको को ३१ प ५१ नम्बरको स्कुटर ठोक्किएको प्रहरीको भनाइ छ ।

दुर्घटनामा परेर स्कुटरमा सवार उर्लाबारी–८ सिसौलीका २३ वर्षीय प्रदीप धामी र २२ वर्षीय सुदीप भुजेलको मृत्यु भएको  मोरङ प्रहरीका प्रवक्ता डीएसपी मानबहादुर राईले वताउनु भयाे । उनले दुर्घटनामा गम्भीर घाइते भएका दुवै जनाको उर्लाबारीस्थित अरनिको अस्पतालमा उपचारकाे क्रममा  राति ८ः१५ बजेतिर मृतु भएकाे थियाे ।

उनका अनुसार मृतक दुवै जना स्कुटरमा सवार रहे पनि चालकको भने पहिचान हुन सकेको छैन । दुर्घटनामा स्कुटर पूर्ण रुपमा क्षतिग्रस्त बनेको छ भने ट्रकको पनि अगाडिको भागमा क्षति पुगेको छ ।ट्रक र चालक झापाको कमल गाउँपालिका–६ का ४३ वर्षीय भक्तबहादुर दाहाललाई नियन्त्रणमा लिएर घटनाको बारेमा अनुसन्धान  गरिएको प्रहरीले जनाएको छ । मानवीय क्षति नै हुने गरी भएको दुर्घटनाको अनुसन्धानका लागि इलाका प्रहरी कार्यालय उर्लाबारीका प्रहरी निरीक्षक उद्धव पोखरेलको नेतृत्वमा टोली खटिएको छ ।

Leave a Reply

Your email address will not be published. Required fields are marked *