२८।असार।कानेपाेखरी
मोरङको कानेपोखरी गाउँपालिका वडा न ६ का आकाश लिम्बूले श्रीमती र भाउजूलाई खुकुरी प्रहार गरेका छन् ।
प्रदेश १ प्रहरी कार्यालय विराटनगरका अनुसार आइतबार राति साढे ९ बजेतिर ३८ वर्षीय आकाश लिम्बूले श्रीमती वर्षीया रोजिना लिम्बू र भाउजू मनमाया लिम्बूलाई खुकुरी प्रहार गरेका हुन् ।प्रहरीका अनुसार घाइते दुवै जनाको हात, खुट्टा र शरीरका विभिन्न भागमा खुकुरीकाे चोट लागेको छ।
उनीहरुको विराटनगरकाे नोबेल शिक्षण अस्पतालमा उपचार भइरहेको प्रहरीले जनाएको छ। आकाशलाई इलाका प्रहरी कार्यालय पथरीले नियन्त्रणमा लिएको छ ।घरायसी विवादका हुँदा आकाशले श्रीमतीलाई पहिला खुकुरी प्रहार गरेपछि भाउजूलाई समेत प्रहार गरेको प्रारम्भिक अनुसन्धानबाट खुलेपनि घटनाबारे थप अनुसन्धान भइरहेको प्रहरीले जनाएको छ ।