७।साउन।
लोकतन्त्रबादी पत्रकारहरुको छाता संस्था नेपाल प्रेस युनियनको नवाैं राष्ट्रिय महाधिबेशनमा खुल्ला केन्द्रीय सदस्य पदका उम्मेदवार पत्रकार तेजन खड्का यतिबेला चर्चामा छन् ।
सधैं पर्दा पछाडि बसेर सामाजिक काम सँगै अक्षरकाे खेती गर्ने उनी गाेजीमा चिया खाने पैसा नहुँदा पनि विपन्नलाई उपचार खर्च जुटाउन समाचार लेख्छन् । ५० वढी बिरामीले खड्का कै समाचारका कारण नयाँ जीवन पाइसकेका छन् ।श्रममा विश्वास गर्ने तेजन भन्छन् – श्रमजीवीकाे पारिश्रमिककाे ग्यारेन्टी छैन् ।ठुला तारे हाेटलमा हुने पत्रकार सम्मेलन र तालिम,गाेष्ठीमा म जस्ता पत्रकार अटाउँदैनन ।अति विपन्न परिवारका क्यान्सर ,मिर्गौला ,स्पाइनल कड इन्जुरी र मुटु राेगीले सहयोग जुटाउन आयाेजना गरेका पत्रकार सम्मेलनमा ठुला र नाम चलेका मिडिया र तिनमा काम गर्ने पत्रकार आउँदैनन् ।
उनीहरूका पीडालाई समाचार नदेख्ने मुलधारकाे नेपाली पत्रकारितासँग तेजनकाे असन्तुष्टि छ ।उनी भन्छन् – मेरी आमाले थापेको विधुवा भत्ता मैले धेरै पटक मेराे पत्रकारिता बचाउन खर्चेकाे छु । एउटा पत्रकारले १५ हजार रुपैयाँ तिरेर मनाेनयन पत्र दर्ता गर्न सक्दैन भनेर उनले शुक्रबार आवाज उठाए । हेर्ने र सुन्ने मात्रै बाेल्ने र फिल्डमा गएर पत्रकारिता गर्नेहरूका पक्षमा काम गर्न आफुले उमेदवारी दिएको खड्का बताउँछन् ।