९।साउन।
झापाको कचनकवल गाउँपालिका का तीन जना किशोरी एउटै रुखमा झुन्डिएको अवस्थामा फेला परेका हो ।
कचनकवल-५ की १६ वर्षीय करिना, १७ वर्षीया अञ्जली र १६ वर्षीया कल्पना गणेश साथीसाथी हुन् । उनीहरु सबैको घर चियाबारी नजिक छ ।
तीनै जना घर नजिकै रहेको चिया बगानमा काम गर्दै आइरहेका थिए । शनिबार दिउँसो खाना खाएर घरबाट निस्किएका उनीहरु बेपत्ता भए । शनिबार विदाको दिन भएकाले कतै घुम्न गए होला भनेर परिवारले पनि खोजी गरेन् ।
छोरीहरु बेपत्ता भएको पीडामा रहेको परिवारलाई आइतबार बिहानै आएको खबरले स्तब्ध बनायो । बेपत्ता भएका तीन जना घर नजिकैको एउटै रुखमा झुन्डिएको अवस्थामा भेटिएको खबरले परिवारमा धक्का पुग्याे ।
झुन्डिएको अवस्थामा उनीहरु बिहान घरबाट केही पूर्व रहेको झिङ खोलाको डिलमा रहेको बयरको रुखमा फेला परे । उनीहरुलाई चिया बगानमा चिया टिप्न जानेहरुले रुखमा झुन्डिएको देखेपछि प्रहरलिाई खबर गरेका थिए । घटनास्थल नेपाल–भारत सीमा क्षेत्रमा पर्छ ।
उनीहरुमध्ये दुई जना गाईवस्तु बाँध्नने डोरी र एकजना सलमा झुन्डिएका थिए । एउटै बयरको रुखका दुई वटा हाँगामा उनीहरु झुन्डिएको अवस्थामा फेला परेका हुन् । दुई जना एउटा हाँगामा र अर्की एक जना अर्को हाँगामा फेला परेका हुन् । घटनास्थलमा आइपुगेका स्थानीय र गाउँ शोकमा छ ।
उक्त घटना हत्या होकी आत्माअत्या भन्ने विषयमा अहिले प्रहरी अनुसन्धान गरिरहेको छ । अहिले तीनै जनाको शव पोष्टमार्टमका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको छ ।
करिना गणेशको घर घटनास्थलबाट करिब चार सय मिटर पर्छ । कल्पनाको घर घटनास्थलबाट करिब २ सय मिटर टाढा छ । अञ्जली गणेशको घर भने घटनास्थलबाट करिब दुई किलोमिटर टाढा पर्छ ।