१९, भदौ।कानेपाेखरी ।
मोरङ जिल्लाकाे क्षेत्र न – २ बाट नेकपा एमाले प्रतिनिधिसभा सदस्यमा ऋषिकेश पोखरेलको नाम चर्चामा रहेकाेछ ।
एमाले क्षेत्रीय कमिटीको आइतबार बसेको बैठकले पार्टीका जिल्ला अध्यक्षसमेत रहनुभएका पोखरेलको नाम सर्वसम्मत रूपमा उमेदवारकाे सिफारिस गरेको हो ।
पार्टीका क्षेत्रीय संयोजक गोपी चाँपागाईले पोखरेलको नाम प्रस्ताव गर्नुभएको थियो । र तै प्रस्ताव बैठकले सर्वसम्मत रुपमा पारित गरिदिएकाे छ । चाँपागाईका अनुसार प्रतिनिधिसभा सदस्यमा समानुपातिकतर्फ ९ जनाको नाम सिफारिस भएको छ । समानुपातिकमा गंगा डाँगी, नैनकला ओझा, लोकनारायण मिश्र, भुवनसिंह राई, वर्तलाल राजबंशी, धिरेन्द्रप्रसाद दास, मनिश राई, नारायणलाल दास र श्याम ताजपुरियाको नाम सिफारिस भएको हो ।
२०७० सालको चुनावमा नेपाली कांग्रेसका आमोद उपाध्यायलाई पराजित गर्दै पोखरेलले संविधानसभा सदस्य बन्नुभएको थियो । २०७४ को निर्वाचनमा भने पोखरेल नेपाली कांग्रेसका मिनेन्द्र रिजालसँग पराजित हुनुभएको थियो । पोखरेल मोरङ २ नम्बर क्षेत्रमा लोकप्रीय नेतामा रुपमा परिचित हुनुहुनछ ।