मंसिर १७
कानेपोखरी जिरिखिम्त सडक खण्डमा सवारी साधनको ठक्करले बाबुको मृत्युहुँदा दुई छोराछोरी अभिभावक बिहिन बन्न पुगेका छन्
ठक्कर दिने साधन तीन दिनसम्म फेला परेको छैन् । मंसिर १३ गते साँझ सवारी साधनले ठक्कर दिदा पथरीशनिश्चरे १० का ४२ बर्षिय युवराज खत्रीको मृत्यु भएको थियो । दुर्घट्ना पथरीशनिश्चरे, कानेपोखरी सीमानाको मोरङ्गी पुलदेखि करिव दुई सय मिटर पश्चिम मुख्य सडकमा भएको थियो ।
राती करिव साढे ८ बजे कानेपोखरीबाट साइकलमा घरआउने क्रममा पछाडिबाट ठक्कर दिदा खत्रीको मृत्यु भएको थियो । ठक्करबाट टाउकोमा गम्भीर चोट लागेको घाइते खत्रीलाई सुरुमा पथरी अस्पताल र पछि उर्लाबारीको मदनभण्डारी ट्रमा सेन्टर लाने क्रममा मृत्यु भएको थियो ।
दुर्घट्नामा भएको तीन दिन बितिसक्दा पनि ठक्कर दिने सवारी साधन पत्ता लागेको छैन् । घट्ना स्थल हेर्दा पूर्ब जाँदै गरेको साधनले ठक्कर दिएको जस्तो देखिएपनि हालसम्म पत्ता नलागेको र साधन खोजी कार्य जारी रहेको इलाका प्रहरी कार्यालय पथरीको प्रहरी प्रमुख डीएसपी बेदप्रसाद गौतमले बताए । पथरी बजारमा सीसी क्यामरा भएपनि नाइटभिजन राम्रो नभएको कारण रातिको घट्ना पत्ता लाउन समस्या भएको प्रहरीको भनाइ छ ।
मृतक युवराज खत्रीको एक छोरा र छोरी छन् । आमाले छाडेर गएपनि ती छोराछोरी बाबुको साहरामा छोरा कक्षा ९ र छोरी ६ कक्षामा पढ्दै गरेको स्थानीय मान दियालीले बताए ।
आमाले छाडेर गएको र बाबुको दुर्घट्नामा मृत्यु भएपछि छोराछोरी बृद्ध बाजेबजुको साहरा लिनुपर्ने बाध्य हुनुपर्ने अवस्था छ । दुर्घट्ना गराउने साधन पत्ता नलाग्दा पीडितलाई थप पिडा भइरहेको छिमेकीहरुको भनाइ छ । यद्यपि अनुसन्धान भइरहेकोले दुर्घट्ना गराउने गाडि पत्ता लाग्ने डीएसपी बेदप्रसाद गौतमको भनाइ रहेको छ ।