मोरङको कानेपोखरीमा भूमि समस्या समाधान आयोगले जग्गा नापजाँचको काम सुरु गरेको छ । शनिबार पालिकाको समस्या ग्रस्त क्षेत्र अन्तर्गत रहेको कानेपोखरी ७ प्रोगेसिप टोलमा भूमिहिन दलित, भूमिहिन सुकुम्बासी र अव्यवस्थित बसोबासीलाई लालपुर्जा वितरण गर्न जग्गा नापजाँचको काम सुभारम्भ भएको हो । कानेपोखरी गाउँपालिकाको ४ वटा वडामा एकैसाथ जग्गा नापजाचँका काम अगाडि बढाइने कानेपोखरी गाउँपालिकाका अध्यक्ष राजमती इङ्गनामले जानकारी दिनुभयो ।

यस अघि वडा नं. ६ र वडा नं. ४ मा जग्गा नापजाँचको काम सञ्चालनमा रहॅदै आएकोमा थप कामलाई तिव्रता दिन पालिकाले भूमि समस्या समाधान आयोगसॅग समन्वय गरेर थप कर्मचारीको व्यवस्था गरेर वडा ४,५,६ र ७ मा एकै साथ विशेष प्राथमिकता दिई नापजॅाचको काम गरिने उहाँले बताउनुभयो । अब कानेपोखरी ४,५,६ र ७ नं वडामा कार्य सञ्चालन गर्न उहाँले कर्मचारी व्यवस्थापन देखि प्राविधिक उपकरण मेसिनरी औजारहरु कमी हुन नदिई कामलाई अघि बढाइने जोड दिनुभयो । यहाँले कानेपोखरी गॅाउपालिकाको सबै वडा सुकुम्बासू समस्या, भूमिहीव तथा दलित भूमिहीन समस्या पुर्ण भएकाले यसकार्यलाई थप बॅाकी वडाहरूमा पनि प्राथमिकतामा राखी काम अगाडि बढाईने जानकारी दिनुभयो ।

यस्तै भूमि समस्या समाधान आयोगका अध्यक्ष नवीन पौडेलले कानेपोखरी गापामा तिव्र गतिमा काम भएको र यसरी कार्यालय व्यवस्थपान गरि काम गर्नेमा कानेपोखरी अगाडि रहेको पनि बताउनुभयो ।

वहॅाले वडा नं. ६ मा चाडै नापीजॅाच तथा सम्पूर्ण प्रक्रिया पूरा गरी तयारी अवस्थामा रहेकाहरूको लालपुर्जा वितरणको अवस्थामा रहेको बताउनुभयो । उहाँले सरकार परिवर्तनले काममा अब कुनै बाधा नहुने र काम निरन्तर रुपमा भै रहने बताउनुभयो । उहाँले सरकार पुर्जा दिने कामका लागि अघि बढेको बताउनुहुदै यस कार्यमा सहयोग गरिदिनुहुन सबैमा अपिल समेत गर्नुभयो । पालिकामा ५ हजार ८२ जना भूमिहिन दलित, भूमिहिन सुकुम्बासी र अव्यवस्थित बसोबासी रहेको तथ्याङ्गकमा उल्लेख छ ।