मोरङको रंगेली ४ आमतोलाचाेक बाट प्रहरीले लागुओैषध नाइट्राजेपामसहित दुई जना युवक पक्राउ परेका छन्। गएराती को २५ प ८१३८ नम्बरको मोटरसाइकलमा कर्सियाबाट रंगेली तर्फ आउँदै गरेका माेटरसाईकल चेकजाँच गर्ने क्रममा इलाका प्रहरी कार्यालय रंगेलीबाट खटिएको टोलीले शंकास्पद रुपमा रोकी चेकजाँच गरेको थियो।

प्रहरीले दमक नगरपालिका–९ बरगाछी निवासी वर्ष अन्दाजी ३५ का शिव कुमार सोरेन र पछाडि सवार सुनसरीको कमल गाउँपालिका–१ सरनपाडा निवासी वर्ष अन्दाजी ३३ का आकाश खड्काको साथबाट नाइट्राजेपाम (Nitrazepam) १६ पत्ता, जम्मा १५५ ट्याब्लेट बरामद गरिएको प्रहरीले जनाएको छ। लागुऔषधसहित मोटरसाइकल र दुवै जनालाई नियन्त्रणमा लिई इलाका प्रहरी कार्यालय रंगेलीमा ल्याइएको छ र उनीहरूमाथि थप अनुसन्धान भइरहेको छ।