कानेपाेखरी।साउन। ५गते
मोरङ, कानेपोखरी – सहयोगी मन र सहृदय प्रयासकाे परिणामस्वरूप कानेपोखरी–५ निवासी नरमाया धिमाललाई १० धुर जग्गासहित दुई कोठे घर हस्तान्तरण गरिएको छ।
यो सहयोग कार्यमा कमल धिमाल समूहका साथै कर्ण वहादुर राइ, विमल लिम्बु, नारायण लिङदेन र दिनेश राईको विशेष योगदान रह्यो। साथै, कानेपोखरी धिमाल विकास केन्द्रका अध्यक्ष राजकुमार धिमाल, विनोद धिमाल लगायत गाउँका अन्य अग्रजहरूको उपस्थिति र समर्थनमा लालपुर्जासहित जग्गा हस्तान्तरण प्रक्रिया सम्पन्न गरियो।
लालपुर्जा प्राप्त गरेपछि नरमाया धिमाल अत्यन्तै भावुक र हर्षित देखिइन्। यस्ता कार्यहरूले आजको समयमा पनि मनकारी र सेवाभावी व्यक्तित्वहरू समाजमा क्रियाशील रहेको सन्देश दिन्छ।