ईलाका प्रहरी कार्यलय रंगेलीकाे मातहतमा रहेकाे दाेहमना ईलाका प्रहरी कार्यलयमा कार्यरत प्रहरीहरु सटर भित्र रहेको साधुराे काेठामा बस्न बाध्य रहेका छन ।  बजारकाे मुख्य भागमा रहेको कार्यालयले बिगत ३४ बर्ष देखि त्यस क्षेत्रका जनताकाे  जिउधनकाे शान्ति सुरक्षामा अहाेरात्र खटिरहेकाे छ  ।

जनताकाे सुरक्षाका लागि खटिएको प्रहरी आफै अहिले ३ बटा सटर भित्ररहेकाे साधुराे काेठामा बस्न बाध्य रहेका छन । पुरानो भवन बेकामे भए पछि प्रदेश सरकारले पहिलो किस्ता बापत ५१ लाखकाे लागतमा सुरुगरेकाे भवन निर्माणकार्यकाे भवनका लागि जगमात्रै उठाएर छाडिएर अहिले बेवारिसे अवस्थामा रहेको  छ । अहिले प्रदेश सरकारले ईलाका प्रहरी कार्यलय दाेहमना,प्रहरी चाैकी अमरदह र बल्डङ्गा प्रहरी चाैकी निर्माणकार्यका लागि भवन निर्माणकार्य सुरु गरेता पनि भवनकाे जग हाल्नेकाम मात्रै गरेर बेवारिसे अवस्थामा छाडिदिएकाे छ ।

दाेहमना प्रहरीले बनकाेल, फर्सिडागी, बेलचाेक ,दर्वेशा, बटरवारी सम्मकाे  स्थानहरुमा शान्ति सुरक्षाको व्यवस्थापन गरिरहेका छन । बिगतका दिनहरुमा  २३ जनाकाे दरवन्दि रहेको भएतापनि अहिले  कार्यलयमा  असईकाे कमान्डमा  ७ जनाले मात्रै शान्ति सुरक्षा दिईरहेका छन ।  पुरानाे  एक तल्ले पक्की भवनकाे छत बर्षाे देखि चर्किए पछि सरकारले नयाँ निर्माणकार्य सुरु गरेता पनि पुनः उक्त भवनहरुमा थप बजेट नपठाउदा तिनै स्थानमा निर्माणकार्य सुरु भएको काम अहिले बन्द भएको छ । सम्धित निकायल समयमै ध्यान दिएर प्रहरीहरु वस्ने भवनकाे काम चाडैं सुचारु गर्नु देखिन्छ ।