मोरङको धनपालथान गाउँपालिका वडा नम्बर ५ स्थित रामपुर बैरियामा बर्षेदेखि बसाेवास गर्दे आईरहृका सुर्जलाल कामत र उनको श्रीमती अमला देवी कामत अहिले आफ्नो छाेराकाे उपचारका लागि गाउँ घरमा आर्थिक सहयोग मागिरहेका छन । कार्तिक १ गते खेल्ने क्रममा उनका ८ बर्षका छाेरा कृष्ण कामतकाे दाहिने आँखामा घुलाे परेपछि उपचार गर्नेका लागि बिराटनगर स्थित रामलाल गाेल्छा आँखा अस्पतालमा उपचार गर्ने पुगेका थिए ।

उपचारका क्रममा डाक्टरले उनकाे छाेरा कृष्णकाे आँखामा रहेकाे नसामा समस्या रहेकाे र अब उनकाे आँखाकाे ज्याेती गुमेकाे सुनाएपछि उनका परिवार चिन्तित बनेका थिए । डाक्टरले नयाँ आँखा लगाउने मिल्ने तर ३ देखि ४ लाख रुपैयाँ सम्म खर्च लाग्ने बताए पछि अहिले उनिहरु गाउँ घरमा आर्थिक सहयोगका लागि सबैलाई सहयोग गर्ने आग्रह गरिरहेका छन ।

एक कठ्ठा अैलानी जग्गामा बसाेवास गर्दे आएका अति विपन्न परिवारमा अहिले आमा, दुई छाेरी , छाेरा सहित ६ परिवार वसाेवास गर्दे आईरहेका छन ।अहिले छोराको उपचारका लागि उनीहरूले गाउँघरमा १०, २० रुपैयाँ गरी आर्थिक सहयोग मागेर ४ हजार रुपैयाँ रकम समेत सङ्कलन गरेको र बिहानै ८ बजे देखि सहयोग माग्दा साँझ सम्म ५ सय देखि १ हजार रुपैयाँ सम्म चन्दा उठाउने गरेकाे उनलेे बताए ।

चन्दा माग्न जाँदा गाउँमा समेत चन्दा दिन आनाकानी गर्ने र गाली गरेर पठाउने गरेको दुखेसाे पाेखेका छन । दैनिकी ज्याला मज्दुरी गरेर परिवारकाे पालनपोषण गर्दे आईरहेका सुर्जालाल लाई अहिले छाेराकाे उपचारका लागि आर्थिक रकम नहुदा देश बिदेशमा रहेका नेपाली सहयोगी मनहरुलाई छाेराकाे आँखा लगाउन आर्थिक सहयोग गरिदिन सबैमा अनुरोध समेत गरेका छन ।