मोरङको रंगेली ४ मा रहेको सशस्त्र प्रहरी बल बोर्डर आउटपोस्ट बीओपीले चोप्राहा बाट लागूऔषधसहित दुई जनालाई पक्राउ गरेको छ। रंगेली चोप्रहा सडकखण्ड नजिकैमा रहेको पोखरी नजिकै गस्तीमा खटिएको सशस्त्र प्रहरी टोलीले रंगेलीतर्फ आउँदै गरेको सिटी सफारी चेकजाँच गर्ने क्रममा लागूऔषध सहित कानेपोखरी-५ भाैसाबारीका २७वर्षीय जीवन खड्‌का र रंगेली-४ का १८ वर्षीय सतीश कुमार साह लाई पक्राउ गरेको हो ।

ससत्र प्रहरीले उनीहरूको साथबाट करिब ६ ग्राम तौलको प्रतिबन्धित लागूऔषध खैरो हिरोइन जस्तो देखिने पदार्थ प्लास्टिकको प्याकेटमा फेला परेको सशस्त्र प्रहरी निरिक्षक सुक बहादुर तामाङले बताए। पक्राउ परेका दुवै व्यक्तिलाई थप अनुसन्धानका लागि इलाका प्रहरी कार्यालय रंगेलीमा बुझाइएको सशस्त्र प्रहरीले जनाएको छ।