माेरङ्गकाे पथरी शनिश्चरे नगरपालिकाको आर्थिक वर्ष २०८०/०८१ को वार्षिक प्रगति समीक्षा कार्यक्रम सम्पन्न भएको छ ।

आज कार्यपालिकाको सभाहलमा भएको सो समीक्षा कार्यक्रममा नगरपालिकाका शाखा प्रमुखहरु र वडा सचिवहरुले आ–आफ्नो कार्यप्रगति प्रस्तुत गर्नुभएको थियो । नगर प्रमुख मोहन प्रसाद तुम्वापोको अध्यक्षतामा भएको सो कार्यक्रममा सुरुवातमा कार्यक्रमको विषयमा प्रमुख प्रशासकीय अधिकृत शशि राईले प्रष्ट्याउनुभएको थियो । प्रशासन शाखा प्रमुख लुकनाथ पोख्रेलले सञ्चालन गर्नुभएको समीक्षा कार्यक्रममा वडा अध्यक्षहरु, कार्यपालिका सदस्यहरू र विभिन्न शाखाका प्रतिनिधिहरूको उपस्थिति रहेको थियो ।