मोरङको सुनबर्सी नगरपालिका वडा नम्बर ५ मा रहेको गुलेश्वर प्राथमिक विद्यालय र वडा नम्बर ४ मा रहेको श्री आधारभूत विद्यालय बटरबारीमा बुधबार दिउँसो ३ बजे गरिएको अनुगमनमा उक्त विद्यालय ३ देखि ३:३०  बजे सम्म बन्द भएको भेटिएको छ। शिक्षा मन्त्रालयले विद्यालयहरूमा बिहान १० बजेदेखि ४ बजेसम्म पठनपाठन गर्न गराउनका लागि निर्देशन दिएता पनि उक्त निर्देशन पालन हुन सकेको छैन।

विगतका दिनहरूमा समेत विद्यालयहरूमा समयभन्दा अगाबै नै विद्यालय बन्दै हुँदै आइरहेको अभिभावकले बताउँदै आइरहेका छन्।  यसरी समय अगाबै नै विद्यालयहरू बन्द हुँदा सो क्षेत्रका अति विपन्न गरिब तथा निम्न वर्गका बालबालिकाहरु आफ्नो पठनपाठनबाट बन्चित हुन बाध्य भएका छन्। नेपाल सरकारले शिक्षकहरूले समेत आफ्नो बालबालिकाहरुलाई सामुदायिक विद्यालयमै पठनपाठन गराउनुपर्ने निर्देशन दिएता पनि कार्यान्वयनमा आउन सकेको छैन ।

सामुदायिक विद्यालयहरूमा शिक्षकहरुकाे अहिलेसम्म लापरवाही देखिएको हो। सुनवर्षी नगरपालिकाका शिक्षा अधिकृतका अनुसार उक्त विद्यालय किन बन्द गरियो भनेर त्यहाँका प्रधानाध्यापकहरूसँग आफूहरुले जानकारी लिने समेत बताएका छन् ।  नेपाल सरकारले सामुदायिक विद्यालयमा वर्षौने करोडौं रुपैयाँ खर्च गर्दै आइरहँदा पनि विद्यार्थीको अवस्था भने दिनप्रतिदिन खस्किदै गइरहेको छ। यस विषयम केन्द्र सरकारको समयमै ध्यान दिनुपर्ने देखिन्छ।