रङ्गेली बचत द्वारा स्वास्थ्य शिविर सम्पन्न।थारू पाेर्टल

मोरङको रङ्गेली नगरपालिका वडा नं. ७ मा रहेको रङ्गेली बचत तथा ऋण सहकारी संस्थाले एकदिने निःशुल्क स्वास्थ्य शिविर सम्पन्न गरेको छ। स्थानीय नागरिकलाई सहज रूपमा स्वास्थ्य सेवा उपलब्ध गराउने उद्देश्यले आयोजित शिविरमा सयौं सेवाग्राहीले स्वास्थ्य परीक्षण तथा परामर्श सेवा लिएका थिए। रंगेली बचतकाे  आयोजना तथा उज्यालो युथ नेटवर्क र उज्यालो गुप्तरोग स्वास्थ्य सेवा केन्द्र मोरङको प्राविधिक सहयोगमा उक्त कार्यक्रम काे आयोजनामा कार्यक्रम सन्चालन गरिएको थियोे ।

कार्यक्रममा संस्थाका पूर्व अध्यक्ष लक्ष्मी प्रसाद  मेहता,  संस्थाका अध्यक्ष कैलाश प्रसाद मण्डल , बडा अध्यक्ष  सुजीत कुमार मण्डल, डाक्टर प्रविन कुमार यादव, पवन न्यौपाने, बिमल कार्की लगायतको शिविरमा सहभागिता रहेको थियो ।शिविरमा  विशेषज्ञ डाक्टर द्वारा पायल्स, फिष्टुला, फिसर, हाइड्रोसिल, गाठागुठी लगायत रोगहरुको निःशुल्क स्वास्थ्य जाँच गरिएको थियोे ।

शिविरमा निःशुल्क  ल्याव टेष्ट (रगत जाँच),  निःशुल्क औषधि वितरण र  विशेषज्ञ डाक्टर द्वारा मलद्वार चिलाउने पोल्ने, दुख्ने, मासु पलाएको, रगत तथा पिप आउने साथै मलद्वार बाहिर निस्किने समस्याको चेकजाँच समेत गरिएको थियोे । संस्थाका अध्यक्ष कैलाश प्रसाद मंण्डलका अनुसार  सहकारी संस्था केवल आर्थिक कारोबारमा मात्र सीमित नभई सामाजिक उत्तरदायित्व अन्तर्गत स्वास्थ्य क्षेत्रमा पनि सक्रिय रहेको बताए। उनले स्थानीय नागरिकको स्वास्थ्य अवस्थालाई मध्यनजर गर्दै आगामी दिनमा यस्ता कार्यक्रमलाई निरन्तरता दिइने र गाउँघरका धेरै नागरिक आर्थिक अभावका कारण नियमित स्वास्थ्य परीक्षण गर्न सक्नुहुन्न। त्यसैले सहकारीले सामाजिक सेवाको भावना अनुसार निःशुल्क स्वास्थ्य शिविर सञ्चालन गरेको हो। शिविरमा विरुद्ध वृद्धा युवा बालबालिकाहरूको समेत उल्लेखनीय सहभागिता समेत रहेको थियो।