वर्षायामसँगै सर्प बस्ती तथा घरभित्र सर्पहरु पस्ने घटना बढिरहेका बेला रतुवामाई नगरपालिका भित्रका आम सर्वसाधारणहरुकाे सुरक्षमा मध्यनजर गर्दै समाजसेवी बलबहादुर बस्नेतले सर्प उद्धारका लागि १३ हजार रुपैयाँ बराबरको अत्यावश्यक आधुनिक सामग्री हस्तान्तरण गरेका छन । बिधालयका बालबालिका हरुका लागि पंखा देखि टिसर्ट तथा गरिब तथा विपन्न विद्यार्थी, युवा र बालबालिकालाई निरन्तर सहयोग गर्दै आएका बस्नेतद्वारा रतुवामाईमा सर्प उद्धारका आधुनिक सामग्री सहयोग गरेर उदाहरणीय काम गरेका छन । सामाजिक सेवामा निरन्तर सक्रिय रहँदै आएका समाजसेवी बलबहादुर बस्नेतले शिक्षादेखि जनसुरक्षासम्म आफ्नो सामाजिक योगदानको दायरा फराकिलो बनाउँदै लगेका छन्।

समाजसेवा भनेको केवल आर्थिक सहयोग गर्नु मात्र नभई आवश्यक परेको समयमा समुदायको समस्या पहिचान गरी त्यसको समाधानमा योगदान दिनु पनि हो। बस्नेतको पछिल्लो पहललाई यही दृष्टिकोणबाट हेर्न सकिन्छ।उनले विगतदेखि नै आर्थिक अवस्था कमजोर भएका विद्यार्थीलाई शैक्षिक सामग्री, विपन्न परिवारका बालबालिका तथा युवालाई आवश्यक सहयोग गर्दै आएका छन । व्यक्तिगत स्रोतबाट गरिने यस्ता सहयोगले तत्काल समस्यामा परेका परिवारलाई राहत पुर्‍याउनुका साथै शिक्षा र सामाजिक अवसरबाट वञ्चित हुन सक्ने वर्गलाई अघि बढ्न सहयोग पुगेको  छ।

पछिल्लो समय उनले सर्प उद्धारका सामग्री सहयोग गरेर आफ्नो सामाजिक सेवाको क्षेत्रलाई शिक्षा र आर्थिक सहयोगबाट जनसुरक्षा तथा मानवीय सेवासम्म विस्तार गर्दे उनले  एउटा व्यक्तिलाई मात्र होइन, सम्पूर्ण नगरवासीलाई आवश्यक परेको समयमा सर्प उद्धार सेवा प्रभावकारी रूपमा उपलब्ध गराउन सहयोग पुग्ने अपेक्षा गरिएको छ। बस्नेतले इलाका प्रहरी कार्यालय सिजुवा र रतुवामाई नगर प्रहरीलाई सर्प समात्न तथा सुरक्षित रूपमा उद्धार गर्न प्रयोग हुने आधुनिक सामग्री संयुक्त रूपमा हस्तान्तरण गर्नुभएको हाे। सर्प देखिएका स्थानमा जोखिम मोलेर स्थानीय आफैंले नियन्त्रण गर्ने प्रयास गर्दा दुर्घटनाको सम्भावना बढ्ने भएकाले सुरक्षित उद्धारका लागि आवश्यक उपकरण उपलब्ध गराइएको बस्नेतले बताए ।

सर्प उद्धारका लागि विशेष तालिम प्राप्त रतुवामाई नगर प्रहरी रमेश घिमिरेले यसअघि पनि नगरपालिकाका विभिन्न क्षेत्रमा पुगेर घर, विद्यालय तथा बस्तीमा प्रवेश गरेका सर्पहरूको सुरक्षित उद्धार गर्दै समाजमा चर्चित तथा सर्प समात्न सिपालु र जनताको मनमनमा बस्न फल भएका घिमिरे २४ घण्टा जनताको सुुरक्षका लागि लागि परेका छन । घिमिरेले नगरवासीलाई घर, कार्यालय, विद्यालय वा बस्तीमा सर्प देखिएमा आफैं जोखिम मोलेर सर्प मार्ने वा समात्ने प्रयास नगर्न आग्रह गरेका छन ।

रतुवामाईमा समाजसेवीका रुपमा रहेका बल बहादुर बस्नेतल  सर्प उद्धारका क्रममा प्रयोग हुने आवश्यक उपकरणको अभाव देखेपछि उनलेे  उद्धारमा खटिने सुरक्षाकर्मी र नगर प्रहरीको कार्यलाई थप सुरक्षित र प्रभावकारी बनाउने उदेश्यका साथ सामग्री हस्तान्तरण गरिएको बताए । रतुवामाईका ग्रामीण तथा बजार क्षेत्रमा विभिन्न प्रजातिका सर्प देखिने क्रम बढ्ने गरेको र यस्तो अवस्थामा समयमै उद्धार गर्न सकिए मानव तथा सर्प दुवैको ज्यान जोगाउन सकिने भएकाले बस्नेतको पहललाई स्थानीयस्तरमा सकारात्मक रूपमा लिइएको छ। सर्प उद्धारजस्तो संवेदनशील काममा व्यक्तिगत पहलमार्फत आवश्यक सामग्री उपलब्ध गराएर समाजसेवी बस्नेतले जनसुरक्षा र मानवीय सेवाप्रति उदाहरणीय योगदान दिएको स्थानीयको भनाइ रहेको छ ।