असाेज, ३। शनिबार।
मोरङको रंगेली नगरपालिकाभित्र सञ्चालित निजी तथा संस्थागत विद्यालयको कक्षा सञ्चालन अनुमति र वास्तविक पठनपाठनबीच तालमेल हुन सकेको छैन । शिक्षाशाखाकाे प्राप्त बिबरण र प्राप्त सूचनालाई आधार मान्दा केही विद्यालयले आफूले अनुमति पाएको कक्षाभन्दा माथिल्लो तहमा समेत कक्षा सञ्चालन गरिरहेका छन ।
नगरपालिकाकाे उपलब्ध विवरणअनुसार सन रे ई.बो. स्कुलले बाल कक्षादेखि कक्षा १० सम्म, ज्ञानज्योति ई.बो. स्कुलले बाल कक्षा देखि कक्षा ८ सम्म तथा फुलबारी ई.बो. स्कुलले बालकक्षादेखि कक्षा ७ सम्म सञ्चालनको अनुमति लिएको देखिन्छ। त्यस्तै कृपालु गुरुकुल पाठशालाले एक कक्षाको अनुमति, बाल देवदुत ई.बो. स्कुलले कक्षा १० सम्म, आमतोला होलिल्याण्ड ई. स्कुलले पूर्वप्राथमिक तह र मिनिल्याण्ड ई.बो. स्कुलले कक्षा १२ सम्म र माउण्ट मकालु ई.बो. स्कुलले कक्षा १२ सम्म अनुमति प्राप्त गरेको विवरणमा उल्लेख छ।
भानु मेमोरियल एकेडेमीले कक्षा १० सम्म, तथा सनगोलरी ई.बो. स्कुलले कक्षा ८ सम्म, कलवरी ई.बो. स्कुलले कक्षा १ सम्म, न्यु स्टार इङ्लिस बोर्डिङ स्कुलले कक्षा १० सम्म, दिव्य ज्योति इङ्लिस बोर्डिङ स्कुलले कक्षा ८ सम्म, बालज्योति इङ्लिस बोर्डिङ स्कुलले कक्षा १० सम्म तथा सनराइज नेशनल इङ्लिस बोर्डिङ स्कुलले कक्षा ७ सम्म अनुमति प्राप्त गरेको विवरणमा उल्लेख गरिएको छ।
तर केही विद्यालयले अनुमति प्राप्त कक्षाभन्दा माथिल्लो कक्षा सञ्चालन गरिएकाे फेला परेको छ । विद्यालय सञ्चालनका लागि अनुमति लिएको कक्षा र वास्तविक रूपमा सञ्चालन भइरहेको कक्षाको भौतिक तथा स्थलगत अनुगमन प्रभावकारी रुपमा नगरपालिका तथा शिक्षा शाखाकाे समय समयमा निगरानी गर्नुपर्ने देखिन्छ । विशेषगरी नगरपालिका तथा शिक्षा शाखाको अनुगमन फितलो हुँदा अनुमति नलिएका कक्षा सञ्चालन गर्न विद्यालयलाई छानबिन गर्नुपर्ने देखिन्छ । सम्बन्धित निकायले सबै निजी विद्यालयको कक्षा अनुमति र वास्तविक सञ्चालनको विवरण रुजु गरी स्थलगत अनुगमन गर्नुपर्ने देखिन्छ।
अनुमति विपरीत कक्षा सञ्चालन गरेको पाइएमा प्रचलित कानुन तथा शिक्षा सम्बन्धी मापदण्ड अनुसार आवश्यक प्रक्रिया अघि बढाउनुपर्ने देखिन्छ । विद्यार्थी र अभिभावकको भविष्यसँग प्रत्यक्ष जोडिएको विषय भएकाले विद्यालयले अनुमति पाएको तह, सञ्चालन गरिरहेको कक्षा र सम्बन्धित निकायबाट प्राप्त स्वीकृतिबारे पारदर्शी विवरण नगरपालिकाले सार्वजनिक गर्नु आवश्यक देखिन्छ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।