निसीखोला ।असाेज।१३
बागलुङको निसीखोला गाउँपालिका–६, भल्कोतस्थित पातिहाल्ने युवा क्लबको नयाँ कार्यसमिति चयन गरिएको छ ।क्लबको अध्यक्षमा सुशील घर्ती मगर चयन हुनुभएको छ भने सचिवमा बोम बुढा मगर चयन हुनुभएको छ । युवाहरूको सक्रिय सहभागिता, सामाजिक एकता र स्थानीयस्तरमा विभिन्न रचनात्मक तथा सामाजिक गतिविधि सञ्चालन गर्ने उद्देश्यसहित नयाँ कार्यसमिति चयन गरिएको हो ।
नवनिर्वाचित अध्यक्ष घर्ती मगरको नेतृत्वमा क्लबले आगामी दिनमा युवाहरूको क्षमता विकास, खेलकुद प्रवर्द्धन, सामाजिक सेवा, सांस्कृतिक संरक्षण तथा समुदायमा सकारात्मक परिवर्तन ल्याउने कार्यक्रमलाई प्राथमिकताका साथ अघि बढाउने अपेक्षा गरिएको छ ।स्थानीय युवाहरूले नयाँ कार्यसमितिलाई सफल कार्यकालको शुभकामना दिँदै क्लबलाई थप सक्रिय, सशक्त र प्रभावकारी बनाउन आवश्यक सहयोग तथा सहकार्य गर्ने प्रतिबद्धता जनाएका छन् ।
नयाँ कार्यसमितिले युवाहरूलाई एकताबद्ध गर्दै सामाजिक तथा सामुदायिक विकासका गतिविधिमा सक्रिय भूमिका निर्वाह गर्ने विश्वास गरिएको छ ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।