मोरङ्गको पथरी शनिश्चरे वडा नं -१ मा रहेको सुनाखरी माध्यमिक विद्यालयद्वारा जाडोको न्यानो कपडा वितरण गरेको छ। शुक्रबार दिउँसो विद्यालयको प्राङ्गणमा कक्षा -१ देखि १० सम्मका विद्यार्थीहरूलाई न्यानो कपडा वितरण गरेको हो। पथरिशनिश्चरे वडा नं -१ का वडा अध्यक्ष भीम कुमार राईको प्रमुख आतिथ्यतामा भएको सो कार्यक्रममा १सय६० जना नानीबाबुहरूलाई जाडोमा लगाउने न्यानो कपडा वितरण गरिएको थियो। उक्त अवसरमा ऊनीको स्वीटर, टोपी, ट्राउजर, मोजा, बिस्कुट र चकलेट समेत वितरण गरिएको थियो।
विद्यालय व्यवस्थापन समितिका अध्यक्ष प्रदीपकुमार राईको अध्यक्षतामा सम्पन्न भएको सो कार्यक्रममा देश विदेशमा रहनुभएका नेपाली सहयोगी मनहरूले आर्थिक सहयोग प्रदान गर्नुभएको विद्यालयकी प्रधानाध्यापक भूमिका देवि मगरले बताउनुभयो ।
उक्त अवसरमा दाताका तर्फबाट ईश्वर मास्के, शिक्षक, विद्यार्थी तथा अभिभावकहरूको पनि उल्लेख्य उपस्थिति रहेको थियो।न्यानो कपडा वितरणका लागि हाल अमेरिका बस्दै आएका मेनुका -विनोद राई, युवराज राई , रियान विक,धन लिम्बु, कृष्ण तामाङ, सुशिला सम्हाम्फे, पथरी शनिश्चरे वडा नं १ का मनोज अग्रवाल, जीवन चेम्जोङ, लगायतले आर्थिक सहयोग प्रदान गर्नुभएको थियो।