कार्तिक ९ ।कानेपाेखरी
तराइमा आजदेखि चारदिने छठ पर्व औपचारिक रूपमा सुरु भएको छ। तराइमा सबैभन्दा ठूलो पर्व मानिने छठका लागि गङ्गासागर, मटकोरवा, पोखरी र घाटहरूमा अहिले बेहुलि जस्तै सजावटको अन्तिम तयारी भइरहेको छ।
शान्ति सुरक्षाका लागि प्रहरीले पनि तयारी बढाएको छ। बजारमा अहिले बाँस र माटोबाट बनेका घैटो, टोकरी, नाङ्लो, कनसुपती, हात्ती जस्ता सामग्री किन्नेको भीड लागेको छ। यी वस्तुहरूलाई छठका लागि शुद्ध र आवश्यक मानिन्छ।
चारदिनसम्म मनाइने छठ पर्व आज ‘नहाय–खाए’ बाट सुरु भएको हो। आइतबार ‘खरना’ गरिनेछ, सोमबार अस्ताउँदो सूर्यलाई अघ्र्य दिइनेछ र मंगलबार बिहान उदाउँदो सूर्यलाई अघ्र्य अर्पण गरी पर्वको समापन गरिनेछ।