कार्तिक।१६।कानेपाेखरी ।
कानेपोखी गाउँपालिका वडा न–७, आइतबारेमा रहेको बयरवन खानेपानी तथा सरसफाई उपभोक्ता समितिको ९ औं साभरणसभा सम्पन्न भएको छ ।
कानेपोखरी गाउँपालिका अध्यक्ष राजमती इङ्नामको प्रमुख आतिथ्यमा सम्पन्न साधारणसभाको सभापतित्व संस्थाका अध्यक्ष हरिप्रसाद पौडेलले गरेका थिए ।
कार्यक्रममा संस्थाका अध्यक्ष हरिप्रसाद पौडेलले आर्थिक वर्ष २०८१/०८२ को प्रगति प्रतिवेदन तथा आ.व. २०८२/०८३ को लागि प्रस्तावित कार्ययोजनाहरु प्रस्तुत गरेका थिए ।
संस्थाले वडा नं. ७ र ६ मा सबै स्थानमा खानेपानी वितरण गरिसकेको र केही स्थानमा बाँकी रहेको छ । वडा नं. ४ अलि धेरै र ५ मा अलिक कम कामहरु(वितरण) भैरहेको छ । साना ठुला गरेर अहिले सम्म ६१ हजार मिटर पाइपलाईन विस्तार गरिसकेको र यस वर्ष गाउँपालिकाको सहकार्यमा १६ हजार मिटर पाइपलाईन विस्तार गर्ने वितरित प्रतिवेदनमा उल्लेख रहेको छ ।२ लाख २५ हजार लिटर क्षमता भएको ओभरहेड ट्याङकी भएकोले पानी उपभोग गर्ने उपभोक्ता धेरै भएकोले २ घण्टामा सकिने गरेको छ । यस स्थानमा ४ लाख २५ हजार क्षमता भएको ओभरहेड ट्याङकी आवश्यकता रहेकोले सम्बन्धित निकायमा पटक पटक योजना माग गरिरहेको संस्थाको अध्यक्ष पौडेलले बताए ।
खानेपानी संस्थाले अहिले १० युनिटको १ सय १५ र १० युनिट भन्दा माथी उठेमा प्रति युनिट १५ रुपैयाको दरले उपभोक्ताहरुबाट पैसा लिदै आएको छ ।संस्थाले धारापानी जडान गर्दा जडान शुल्क ५ सय, मिटर शुल्क १३ सय ५०, फेरुल शुल्क ११ सय रुपैया लिदै आएको छ । संस्थाले यस वर्ष ५१५ धारा जडान सदस्य संख्या पुर्याउने लक्ष्य राखेको छ ।
त्यस्तै कोषाध्यक्ष भोलानाथ पराजुलीले आर्थिक वर्ष २०८१/०८२ को आर्थिक प्रतिवेदन तथा आ.व. २०८२/०८३ को लागि प्रस्तावित आर्थिक प्रतिवेदन प्रस्तुत गरेका थिए । कोषाध्यक्ष पराजुलीले आर्थिक वर्ष २०८१/०८२ को ६९ लाख ७ हजार ८ सय ९३ रुपैयाको आयव्यय प्रस्तुत गरेका थिए ।
कार्यक्रममा वडा नं. ६ का वडाध्यक्ष खड्ग बस्नेत, कार्यपालिका सदस्य पद्यमाकुमारी गुरुङ, योगेन्द्र दाहाल, दामोदर सिग्देल लगाएत विभिन्न संघसंस्थाका प्रतिनिधि उपस्थित रहेका थिए । कार्यक्रम संचालन सचिव केदार राईले गरेका थिए ।
उपभोक्ताले ९ औं चुनावी साधारणसभाबाट ४ वर्षे कार्यकालको लागि कार्य समिति पनि चयन गरेको छ । समितिको अध्यक्षमा विजयगोपाल गड्तौला, उपाध्यक्षमा ध्रुवमाया कोइराला सापकोटा, सचिवमा, लिलाबहादुर श्रेठ, सहसचिवमा शिवकुमार राई र कोषाध्यक्षमा अशोक फुयल सर्वसहमतीले चयन भएका छन् । त्यस्तै सदस्यहरुमा मात्रिका कोइराला, सर्न कुमार लिम्बू, राम प्रकाश राई र सेरबहादुर लिम्बू सर्वसमहतीले चयन भएका छन् ।
त्यस्तै महिला सदस्यहरुमा चेलिमाया दर्जी, लिला बस्नेत र शोभा रिजाल चयन भएका छन् । लेखा तथा सुपरिवेक्षण समितिको संयोजकमा आनन्द प्रसाद दहाल, सदस्यमा एविन्द्र पाठक चयन भएका छन् ।
वडा नं. ४, ५, ६ र ७ का उपभोक्ताहरु बयरवन खानेपानी तथा सरसफाईमा आवद्ध छन् । अहिले २१४६ जना उपभोक्ताहरु रहेको खानेपानी तथा सरसफाई उपभोक्ताको कार्यालयको अभिलेखमा रहेको छ ।निगरानी बाट साभार