नेपाल औषधि व्यवसायी संघ मोरङ जिल्ला शाखा द्वारा लागुओैषधका बिषयमा छलफल तथा अन्तरक्रिया कार्यक्रम सम्पन्न भएको छ । रंगेली नगरपालिकाकाे सभाहलमा भएको अन्तरक्रिया कार्यक्रममा व्यवसाय गर्ने ब्यक्तिहरुले चिकित्सकको प्रेसक्रिप्सन लिएर मात्र औषधी  विक्री वितरण गरिनुपर्नेमा सरोकारवालाहरूले जोड दिएका छन् ।

नेपाल औषधी व्यवसायी संघ मोरङले बुधबार  एक कार्यक्रम को आयोजना गर्दै चिकित्सकको प्रेसक्रिप्सन विना लागु तथा मनोद्धिपक औषधि बिक्री वितरण गर्दा यसको दुरूपयोग बढेको कारणले समाजका युव हरु कुलतमा फस्ने सम्भावना बडदै गएको सहभागी हरुले बताएका छन । कार्यक्रममा  दफा ११ को नयाँ व्यवस्था बमोजिम म्याद सकिनु अगावै नवीकरण गरिसक्नुपर्ने लगायतका व्यवस्थाले औषधी व्यवसायीहरु पलायन हुने अवस्था सृजना भएकाले सो व्यवस्था संशोधनका लागि सरकारलाई दवाव दिन आन्दोलनमा उत्रिने निर्णय गरिएको नेपाल औषधि व्यवसायी संघ मोरङका अध्यक्ष देश बन्धु ढकालले बताए ।

पहिलो चरणमा मंसिरको पहिलो सातादेखि आन्दोलन सुरु गरिने जानकारी दिएका छन  ।यस्तै, सीमा क्षेत्रमा बढ्दो लागु औषध ओसार पसारले औषधी व्यवसायको बद्नान भइरहेको भन्दै कडाईका साथ नियनत्रण गर्न राज्य संयन्त्रलाई आग्रह समेत बैठकले गरेको छ ।सो अवसरमा बोल्दै रंगेली नगरपालिकाका नगर प्रमुख दिलिप बगडीयाले औषधि व्यवसायीले कानुन विपरित काम गर्न नहुने बताए । उनले कानुन विपरित गर्ने जो कोही पनि दण्डको भागीदार बन्नुपर्ने समेत बताएका छन  ।

बैठकमा औषधि व्यवसायी संघ केन्द्रीय समितिका प्रदिप दास, कोशी प्रदेश कोषाध्यक्ष प्रभात श्रेष्ठ, ईलाका प्रहरी कार्यालय रंगेलीका प्रहरी निरिक्षक नरेन्द्र बोगटी, रंगेलीका औषधि ब्यवसायका नरेश मंण्डल, शिशुपाल यादव, रुपेश मंण्डल, अर्विन मंण्डल लगायत सहभागी रहेको थियो। आन्तरीक राजस्व कार्यालय विराटनगरका कर अधिकृत प्रेम प्रसाद मण्डल अभिमुखिकरण गराएका थिए । कार्यक्रममा  रतुवामाई, सुनवर्षी, रंगेली ,  कानेपाेखरी धनपालथान, जहदा र कटहरीका समेत  औषधी व्यवसायीहरुको सहभागीता रहेको थियाे।कानेपाेखरीबाट प्रकाश धिमालले भनाइ राखेका थिए ।