मँसिर।३।कानेपाेखरी

कानेपोखरी गाउँपालिका–५ भौसावारीमा निर्माण गरिने प्रशासकीय भवनकाे लागि ठेक्का प्रक्रिया पूरा हुँदै निर्माण कम्पनीसँग औपचारिक सम्झाैता सम्पन्न भएको छ। सार्वजनिक खरिद ऐन तथा नियमावलीअनुसार आह्वान गरिएको बोलपत्रमा प्राप्त प्रस्तावहरूमध्ये न्यूनतम मूल्याङ्कनमा परेर सारभूत रूपमा प्रभावग्राही ठहरिएको श्री अर्थ जे.बी. प्रालि, हेटौडा सँग सम्झाैता गरिएको हो।

रु. १० करोड ९७ लाख ७० हजार लागतमा निर्माण हुने भवनकाे ठेक्का सम्झाैता मिति २०८२/०७/२७ गते गाउँपालिका र निर्माण कम्पनीबीच सम्पन्न भएको छ। सम्झौता सम्पन्नसँगै निर्माण कम्पनीलाई कार्यादेश समेत जारी गरिएको गाउँपालिकाले जनाएको छ।

सम्झाैताका क्रममा गाउँपालिका अध्यक्ष  राजमती इङ्नामले निर्माण कम्पनीलाई तोकिएको समयसीमाभित्र गुणस्तरीय रूपमा भवन निर्माण सम्पन्न गर्न निर्देशन दिएका छन्। गाउँपालिकाको सेवासुविधा सुदृढीकरण र प्रशासनिक कार्यसम्पादन सहज बनाउन प्रशासकीय भवनले महत्वपूर्ण योगदान पुर्‍याउने अपेक्षा गरिएको छ।