माघ ।१९,

सुनवर्षी नगरपालिका–४ निवासी बलराम ठाकुरकाे असमायिक अल्पआयुमै निधन भएपछि परिवारमा गहिरो दुःख–पीडाको वातावरण सिर्जना भएको पछि ठाकुर समुदाय द्वारा आर्थिक सहयोग गरिएकाे छ। मृतकका दुई जना नाबालक सन्तान रहेका र परिवारको आर्थिक अवस्था नाजुक रहेको जानकारी भएपछि ठाकुर समुदायको पहलमा सङ्कलित रकमबाट जम्मा रु. २५,००० (पच्चीस हजार) आर्थिक सहयोग मृतक परिवारलाई हस्तान्तरण गरिएको छ। सो रकम तत्कालीन रूपमा काजकिरिया सम्पन्न गर्न प्रयोग गरिने जनाइएको छ। यसैगरी, मृतकका दुई नाबालक सन्तानमध्ये एक जना बालकलाई सद्भाव बचत तथा ऋण सहकारी संस्था (साकोस) द्वारा कक्षा १० सम्म अध्ययन गर्न आवश्यक पर्ने कपडा, कपी, कलम लगायत शैक्षिक सामग्रीको व्यवस्थापन गरिदिने प्रतिबद्धता समेत व्यक्त गरिएको छ।सहयोग रकम समाजसेवी इ. कमलेश्वर ठाकुर द्वारा हस्तान्तरण गरिएको उक्त कार्यक्रममा आनन्द ठाकुर, श्रीप्रसाद ठाकुर लगायतको उपस्थिति रहेको थियो। उपस्थित सबैले दुःखको यस घडीमा पीडित परिवारप्रति ऐक्यबद्धता जनाउँदै मानवीय सहयोग निरन्तर रहने प्रतिबद्धता व्यक्त गरेका थिए।