विद्यानन्द चाैधरी
प्रेस चौतारी नेपाल, मोरङ शाखाको माघ १२ गते विराटनगरमा ९ औं जिल्ला अधिवेशन सम्पन्न भएकाे छ ।
जसमा प्रदेश न १काे मुख्यमन्त्री हिकमत कुमार कार्कीकाे प्रमुख अातिथियतामा पानसमा दीप प्रज्वलन गरेर सम्पन्न भएकाे थियाे । सचिव शशांक पौडेलले प्रस्तुत गरेको सांगठनिक प्रतिवेदनले पछिल्ला तीन वर्षका उपलब्धि, सामना गरिएका चुनौतीहरू र भविष्यका कार्ययोजनाहरूलाई विशेष प्राथमिकता दिएको छ। जस अनुसार २०७८ पुसमा सम्पन्न आठौं अधिवेशनपछि कार्यभार सम्हालेको कार्यसमितिले कोभिड-१९ महामारीजस्तो चुनौतीपूर्ण समयमा संगठनलाई क्रियाशील बनाउन महत्वपूर्ण भूमिका निर्वाह गरेको प्रतिवेदनमा उल्लेख छ। यस अवधिमा २२ वटा बैठक सम्पन्न हुनुका साथै प्रदेश र केन्द्रीय महाधिवेशनमा सक्रिय सहभागिता जनाइएको थियो।
प्रतिवेदन अनुसार मोरङ शाखाले प्रदेश नेतृत्वमा अध्यक्षसहितका २९ सदस्य र केन्द्रीय नेतृत्वमा सचिव विक्रम लुइँटेलसहित विभिन्न पदाधिकारी निर्वाचित गराउन सफल भएको छ। मोरङ जिल्लामा प्रेस चौतारीको सदस्य संख्या १०३ पुगेको छ भने पछिल्लो तीन वर्षमा २७ जना नयाँ पत्रकार संगठनमा आबद्ध भएका छन्। सदस्यहरूको क्षमता विकासका लागि विभिन्न तालिम र गोष्ठीहरू आयोजना गरिएका छन्।
काेषाध्यक्ष विद्यानन्द चाैधरीले २०७८देखि२०८१माघ ११गते सम्मकाे अाय व्यय प्रतिवेदन प्रस्तुत गरेर १०लाख ५हजार ७सय ६८रूपया अामदानी खर्च काे विवरण पेश गरेका थिए ।
यसैगरी प्रत्येक वर्ष प्रदान गरिने पत्रकारिता पुरस्कारमार्फत अग्रज र युवा पत्रकारहरूलाई सम्मान गर्दै आएको चौतारीले यस वर्ष शालिग्राम-मञ्जू दाहाल पत्रकारिता पुरस्कार प्रेस चौतारी मोरङका पूर्वअध्यक्ष महेन्द्र विष्टलाई प्रदान गरेको छ।
सदस्यता नविकरणको आवश्यकता, संगठनलाई थप सुदृढ बनाउने पहल र पार्टी नेतृत्वसँगको समन्वयलाई प्रभावकारी बनाउने कुरा प्रतिवेदनमा प्राथमिकताका साथ उठाइएको छ।
