बिराटनगर कोशी प्रदेशको वन बाताबरण तथा पर्यटन मन्त्री सदान्द मण्डलले राज्यले बिराट राजवंशीलाई आदिवासी जनजातिमा सुचिकृत गर्नु पर्नेमा जोड दिनु भएको छ। बिराट राजवंशीहरुको १८ औ बृहत भेलालाई बिराटनगरमा सम्बोधन गर्नु हुँदै मन्त्री मण्डलले यस्तो बताउनु भएको हो। उहाँले संबिधानमा सम्पुर्ण जातजातिलाई पहिचान दिने उल्लेख रहे अनुसार राज्यले बिराट राजवंशी जातिलाई पनि सुचिकृत गर्नु पर्ने बताउनु भयो । बिराट राजवंशी  लगायतका आदिवासी जनजाति धर्तिपुत्र भएकोले यो समुदायलाई सुचिकृत गरि अधिकार दिनु पर्नेमा जोड भयो।

मन्त्रि मण्डलले नेपालको  संविधान बहुभाषिक ,बहुजातीय ,बहुधार्मीक रहेको उल्लेख भए अनुसार सरकारबाट प्राप्त भएको कोटा लगायत राज्यबाट पाउने सेवा सुबिधाबाट बञ्चित रहेको बिराट राजवंशी लाई सुचिकृत गरि सेवाको उपभोग गर्न दिनु पर्नेमा जोड दिनु भयो। उहाँ बिराट राजवंशीलाई सुचिकृत लगायतको माग पुरा गराउन कोशी प्रदेश सरकारलाई दवाबमुलक कार्यमा साथ र समर्थ गर्ने प्रतिवद्धता जनाउनु भयो।वन वातावरण तथा पर्यटन मन्त्री कोशी प्रदेश बिराटनगर राजवंशीहरुले आदिवासी जनजाती उत्थान राष्ट्रिय प्रतिष्ठानमा सुचिकृत गर्न, राज्यको हरेक अंङमा बिराट राजवंशीको स्थान सुनिस्चित गर्न,प्रदेश तथा संघमा समानुपातिक रुपमा प्रतिनिधित्व गराउन, बिराटनगरको प्रथम जातिको रुपमा बिराट राजवंशीलाई घोषणा गर्न, बिराट राजवंशीको उत्थानको लागि प्रत्येक तह र अंगमा छुट्टै आरक्षणको ब्यवस्था,बिराट राजवंशी बसोवास भएको क्षेत्रलाई बिराट राजवंशी स्वायत्त परिषद ब्यवस्था गर्न र बिराट राजा दरवारलाई पर्यटक क्षेत्रको बिकास गर्नु पर्ने लगायत ७ बुंदे माग राखदै बिगत १८ वर्ष देखि संघर्ष गर्दै आएको छ।

बिराट राजवंशीहरुले आज संसारीमाई स्थानबाट र्‍याली निकालेर बजार परिक्रमा गरि महेन्द्र चोकमा बृहत भेला गरेको हो। कार्यक्रमको अध्यक्षता बिराट राजवंशी समाज उत्थान केन्द्रीय कार्यसमिति अध्यक्ष भुवनेश्वर मण्डलले गर्नु भएको थियो । कार्यक्रममा बिराट राजवंशीको पहिचान झलने नृत्य समेत प्रस्तुत गरेको थियो।आदिवासी जनजाति सचिव सदस्य कमल प्रसाद राजवंशी राजवंशी समाज उत्थान केन्द्रीय उपाध्यक्ष प्रदीप बिश्वश राजवंशी सदस्य सिधु राजवंशी लगाइत शुभकामना मन्तव्य राख्नु भयो ।१८औ बृहत भेला को सह संयोजक राजेश कुमार राजवंशीले स्मापन गर्यो ।