कोशी प्रदेशका माननीय सांसद मान बहादुर लिम्बुले मोरङको पथरी शनिश्चरे वडा नं १ जाँते मोडमा Detail Education Consultancy को समुद्घाटन गर्नुभएको छ। आज बिहान सांसद लिम्बुले उक्त कन्सल्टेन्सीको रिबन काटेर समुद्घाटन गर्नुभएको हो ।

सांसद लिम्बूले वर्तमान शिक्षाले जीवनोपयोगी र नैतिकवान बनाउन नसकेको भन्दै उक्त कार्यमा यस कन्सल्टेन्सीले पनि महत्वपूर्ण भूमिका निर्वाह गर्ने विश्वास व्यक्त गर्नुभयो।।

कार्यक्रममा पञ्चायत माविका अध्यक्ष तथा पथरी शनिश्चरे व्यवस्थापन समितिका अध्यक्ष युवराज बास्कोटा , ईलाका प्रहरी कार्यालय पथरीका प्रमुख डिएसपी मोहनविक्रम दाहाल, उद्योग वाणिज्य सङ्घका अध्यक्ष दीपक बस्नेत, पथरी बहुमुखी क्याम्पसका प्राध्यापक सुरेश कट्वाल, समाजसेवी माधव थापा, युवा अगुवा सुमन वि.क., लगायत महानुभावहरूको उपस्थिति रहेको कार्यक्रमका सञ्चालक मणि लुम्फुवा लिम्बुले जानकारी दिनुभयो। सोही कन्सल्टेन्सीका सिईओ ( CEO) योगेन्द्र चौहानले स्वागत मन्तव्य राख्नुभएको थियो।