कानेपोखरी २ दलेलीमा रहेको शिक्षा बिकास माबि को दोस्रो तला थप कार्यको सिलन्यास भएको छ । आइतबार कानेपोखरी गाउँपालिका अध्यक्ष राजमती इङ्गनामले एक तले भवनको दोस्रो तल्ला थपको सिलन्यास गर्नुभएको हो । सिलन्यास कार्यक्रममा प्रशासन शाखाका मछिन्द्र थुलुङ वडा नं २ मा वडा अध्यक्ष सुशिल बुढाथोकी,विधालय ब्यवस्थापन सामिति अध्यक्ष सुवास पौडेल,प्र अ रुद्र बहादुर निरौला  तथा  स्थानिय समाजसेवी ,विद्यार्थी ,पत्रकार लगायतको उपस्तिथी रहेको थियो ।

पालिका अध्यक्ष राजमती इङ्गनामले द्रोस्रो तला थपका लागि रु १ करोड ९९ लाख मा ठेक्का आव्हान भै १ करोड २३ लाख ५१ हजार ५ सय २९ मा ठेक्का सम्झौता भएको बताउनुभयो । उहाँले बरदान निर्माण एण्ड सप्लायर्स प्रा लि ले माघ १८ गते कार्य सुरुवात भै असार मसान्त सम्मको काम सक्कने गरि सम्झौता भएको बताउनु भयो ।

उहाँले निर्मित भवनमा ६ वटा कक्षा र १ वटा हल रहने समेत जानकारी दिनुभयो । उहाँले कक्षा १२ सम्म अध्ययन अध्यापन भै रहेको सो बिधालयमा बिधार्थीको चाप बढ्दो र बिधालय भवन जिर्ण अवस्था भै अती आवश्यक रहेकाले निर्माण गरिएको बताउनुभयो ।उहाँले सो क्षेत्रमा अधिकांश दलित र आदिवासी बालबालिकाहरु बिधालय आउने हुँदा शैक्षिक गुणस्तर संगै भौतिक संरचना समेत बलियो बनाउन आवश्यक रहेकाले निर्माण भै रहेको बताउनुभयो ।

यस बिधालयलाई गौरवको आयोजनामा पारि काम गरेको र समग्र पालिकामा नै शिक्षा क्षेत्रमा ठुलो लगानी गरेको बताउनुभयो । बाल कक्षामा स्वास्थ बिमा,११ र १२ कक्षा नि: शुल्क, ब्याचलरमा बुहारीलाई नि:शुल्क,सुत्केरी सट्टा शिक्षक लगायत थुप्रै कार्यक्रम शिक्षामा रहेको बताउनु भयो । यस्तै आ व २०८०।०८१ मा सोही बिधालयको १० कोठे एक तले भवन रु २ करोड६९ लाखमा सम्पन्न भै संघीय सांसद तथा लेखा सुपरिवेक्षक सभापति माननीय ऋषिकेश पोखरेलले उद्घाटन गर्नुभएको थियो ।