विद्यान्नद चाैधरी
फागुन १४ गते । कानेपाेखरी ।
मोरङको कानेपोखरी गाउँपालिकाकाे प्रमुख प्रशासनिक सेवा वडा न ६ वाट वडा न ५ को वडा कार्यलय भौंसावारीबाट फागुन १४गते विधिबध रूपमा पुजा पाठ गरी गाउँपालिकाले दिने सेवा अव वडा न ५ को वडा कार्यलय भौंसावारीबाटदिने भएकाे छ ।
स्थानिय सरकार प्रमुख पालिका अध्यक्ष राजमति इङ्नामले फागुन १५गते बिहीबारबाट नियमित सेवा प्रवाहका लागि बुधबार कार्यालय सारिएको बताउनुभयो । हाल पालिका सरेको भवनमा यसअघि ५ नं. वडा कार्यालय रहेको थियो । ५ नम्बर वडा कार्यालयलाई अब अन्यत्र व्यवस्थापन गरिने भएको छ ।
२०७२ सालमा राज्यपुनर्संचना हुँदा कानेपोखरी गाउँपालिकाको सेवा तत्कालिन वयरवन गाविसको भवनबाट सञ्चालन गर्ने निर्णय भएको थियो । वयरवन, केरौन र होक्लावारी गाविस मिलेर कानेपोखरी गाउँपालिकाको प्रशासनिक भवन पालिकाको एकछेउमा रहेको भन्दै मध्यभागमा स्थान्तरणको माग उठेको थियो । सोही अनुसार कानेपोखरी गाउँपालिकाले वडा नं. ५ को भौंसावारीमा एक विघा पाँच कट्ठा जग्गा खरिद गरेको थियो । जग्गा खरिद गरेपनि भवन निर्माणको प्रक्रिया अघि नबढ्दै प्रशासनिक भवन वडा कार्यालयमा सारिएको छ । सङ्घीय मन्त्री परिषदले २०८१ पुस १६ गते कानेपोखरी गाउँपालिकाको प्रशासनिक भवन सार्ने स्वीकृति दिएको थियो ।
यसअघि स्थानीय सरकार सञ्चालन ऐन २०७४ को दफा ४ उपदफा (३) बमोजिम गाउँसभाको दुई तिहाई बहुमतले प्रशासनिक भवन सार्ने निर्णय गरेको थियो । सोही निर्णय बमोजिम मन्त्री परिषदले स्वीकृति प्रदान गरेको पालिकाका प्रवक्ता सुशील बुढाथोकीले बताउनुभयो ।
हाललाई कानेपोखरी गाउँपालिकामा स्तानतरण भएता पनि तोकिएको केन्द्र स्थलमा निर्माण कार्य सम्पन्न पश्चात् पुन: स्तान्तरण गरिनेछ । गाउँपालिका अध्यक्ष राजमती इङ्गनाम र उपाध्यक्ष भोला प्रसाद अधिकारी द्वारा गाउँपालिका कार्यालय भवन प्रवेशको औपचारिक रुपमा समुद्धघाटन गर्नु भएकाे छ ।जसमा वडा न १,२,३ र ५का वडा अध्यक्ष तथा वडा सदस्यतथा स्थानिय वासिहरूकाे वाक्लाे उपस्थिति रहेकाे थियाे । कार्यक्रम पञ्चात खुसीले नाराबाजी समेत लगाएका थिए ।
