रतुवामाईमा खेल मैदानकाे नाममा लाखौं रुपैयाँ दुरुपयोग ।थारू पाेर्टल

माेरङकाे रतुवामाई नगरपालिका ४ स्थिति कटराज थानमा नगरपालिकाले खेल मैदान निर्माणकार्यका लागि ८ बिधा जग्गामा घेराबेरा गर्नेका याेजना ल्याएपछि स्थानीय हरुले खेल मैदान बन्ने भयाे भन्दै खुसि भएका थिए । उक्त स्थानमा प्रेदेश सरकारले घेरावेराका लागि आमबाडि खेल मैदान स्तर उन्नतिकाे लागी समिति गठन गरेर ७६/७७ सालमा १५ लाख रुपैयाँ रकम छुट्याएर काम सुरु गरेको थियोे ।

उक्त कामगर्नका लागि आमबारी खेल मैदान स्तर उन्नति उपभोक्ता समिति द्वारा निर्माणकार्य सुरु समेत भएको थियोे । घेराबेरामा ११ लाख २० हजार ९७ रुपैयाँ खर्च भएर निकासा भएको नगरपालिकाका लेखा अधिकृत तथा सुचना अधिकृत निता सिग्देलले बताईन । साे भन्दा अगाडि समेत उक्त स्थानमा नगरपालिकाले १० लाख रुपैयाँ बराबरको बजेट निकासा गरेर काम समेत भएको नगरपालिका नासु कृष्णप्रसाद ढकालले बताए । खेल मैदानमा लगाईएकाे वाल हरुसमेत भत्कन थालेकाे र ईट्टाहरु समेत कमशल प्रयोग गरेपछि अहिले केही ठाउँमा ईट्टा निस्कने र फुट्ने र ढाेकाहरु समेत सबै झरिसकेकाे महाराज थानका पुजारी डुमलाला गनगाईले बताए ।

बुढापाकाका अनुसार धेरै बर्ष अगाडि महाराज स्थानकाे नाममा जग्गा १७ बिधा जग्गा रहेको भएता पनि पछिल्लो समयमा टाठा बाठाहरुले मंन्दिरकाे जग्गा ३ देखि ४ बिधा ब्यक्तिकाे नाममा पास गरेर भाेग चलन समेत गर्दे आईरहेकाे स्थानीय बृद्ध डाेमन लाल सिहले बताए ।

केहि बर्ष अगाडि साेहि गाउँका केही ब्यक्ति हरुले खाेतीपाति गरेर आफ्नो जीवन यापन समेत गर्दे आएरहेकाे र आफ्नो परिवार समेत पालनपोषण गर्दे आईरहेकाे भएता पनि स्थानीय हरुले उक्त जग्गा अरुलाई खेति गर्ने नदिएर रंङ्गशाला निर्माणकाे अवधारणा ल्याएपछि उक्त स्थानमा रहेकाे जग्गाकाे ७ बिधा जग्गामा वाल लगाएर छाडिदिएपछि अहिले उक्त स्थानकाे संम्रक्षण हुन सकेको स्थानीय अरुण गिरिले बताए ।

प्रदेश सरकारकाे बजेटमा उन्नत स्तरका लागि छुट्याइएको बजेट अहिले बालुवामा पनि हाले सरह भएको देखिन्छ । अहिले उक्त वालहरु समेत भत्नकन थालेकाे र गेटहरु समेत लडेर बेवारिसे अवस्थामा रहेको छ। उक्त स्थनकाे जग्गा के कति रहेको र हाल सम्म कति बजेटकाे काम भएको बिषयमा सम्धित निकायहरुले समयमै ध्यान दिनुपर्ने देखिन्छ ।